SÉNTESTE ATLÂNTICA?

Se coma nós, crees que a unión fai a forza, e queres subirte ao primeiro barco de mulleres emprendedoras galegas e portuguesas que se unen para chegar xuntas aos destinos máis prósperos, contámosche como podes subirte.

Contamos con tres tipos de pasaxe, en función das túas posibilidades e ganas de implicarte.  Lembra que Mulleres Atlânticas é unha comunidade tan libre coma nós mesmas, e finánciase ao 100% coas aportacións de todas as mulleres, que, coma ti, creen que xuntas chegaremos máis lonxe.

Fotografías realizadas por Plumeria Fotografía & La Platanera.


Para formar parte activa da comunidade, debes facerte coa membresía que máis se adapte as túas necesidades persoais e profesionais. As membresías Atlânticas son trimestrais, ¡para que saibas coa previsión do trimestre se poderás participar nas actividades que temos plantexadas!

Cada membresía (Rîa, Mar e Ocêano) ofréceche diversas vantaxes. Diferéncianse entre sí, pola cantidade de privilexios que ofrecen, que varían dende a membresía Rîa, a máis básica, ata a membresía Ocêano, a máis completa, pasando por unha opción intermedia: a membresía Mar. 

¿POR QUÉ SER UNHA ATLÂNTICA?

A continuación, contámosche máis sobre as actividades que realizaremos durante a próxima travesía e sobre as vantaxes que obterás como Atlântica. 

O Directorio

ATLÂNTICAS

Coas membresías Mar e Ocêano, terás visibilidade no directorio das Atlânticas. Neste espazo da web, se atopan tódalas Atlânticas, cunha descrición detallada das súas marcas e negocios. Ademáis, inclúese toda a información de contacto: web, redes sociais, email... todo o necesario para que calquer persoa interesada na túa marca, poida contactar contigo.

Vantaxes entre Atlânticas

Beneficios entre as usuarias

Cada Atlântica Mar e Ocêano ofrece á comunidade unha vantaxe, detalle ao agasallo. Descontos en produtos e servizos, envíos gratuitos, sesións de consultoría gratuitas... ¡soamente por formar parte da Comunidade Atlântica, desfrutarás de numerosas vantaxes entre Atlânticas de xeito automático!

#SONATLÂNTICA

Visibilidade en redes sociais

Coas membresías Mar e Ocêano, obterás visibilidade semanal en Instagram Stories. Para iso, soamente tes que mencionar a @mulleresatlanticas nas túas historias, para que poidamos compartilas e incluilas no Destacado: #SONATLÂNTICA.

Cafês a bordo

Eventos mensuais

Cada trimestre, celebraremos 3 Cafês a Bordo. Un ao mes, en diversas cidades galegas e do Norte de Portugal.  Nestes encontros, exclusivos para Atlânticas con membresía, reunímonos un máximo de 15 Atlânticas para coñecernos mellor. Durante dúas horas, ao redor dunha quentiña taza de café ou té, descubrimos un a un cada proxecto e marca capitaneado por unha Atlântica. Tódalas membresías permiten o acceso aos Cafês a Bordo. Ademáis, como novidade para o 2019, poderás vir acompañada dunha invitada: doutra emprendedora ou empresaria que sinta curiosidade pola comunidade.

Retos Atlânticos

Grupo privado online

Co obxectivo de incrementar a visibilidade de todas e cada unha das Atlânticas, quincenalmente lanzamos un reto no Grupo Privado de Facebook. Os retos son as excusas perfectas para participar na comunidade e ter máis visibilidade entre as Atlânticas. Tódalas membresías permiten o acceso ao Grupo Privado de Facebook.

Masterclass Online

Formación mensual

As membresías Mar e Ocêano permítenche o acceso ás Masterclass Online. Unha vez ao mes, da man dunha experta na súa materia, desfrutaremos dunha formación exclusiva para Atlânticas, na que non soamente aprenderemos de diversas materias como: marketing, legalidade, comunicación, ventas... senón que conectaremos con profesionais externas á comunidade.

Entrevistas Atlânticas

Visibilidade en redes sociais

Cada mes, dúas Atlânticas Ocêano serán entrevistadas en Instagram Stories. Aínda que estas datas poden cambiar, podes consultar o calendario de actividades para reservar un ratiño nos días indicados para coñecer mellor as Atlânticas.

Gran Evento Atlântico

Evento trimestral

Case no final da travesía trimestral, realizaremos o Gran Evento Atlântico. Un evento aberto a tódalas emprendedoras e empresarias, Atlânticas ou non, no que contaremos con poñentes e invitadas especiais para mellorar a nosa formación e por conseguinte, o noso proxecto ou negocio. Nestes eventos sempre haberá tempo para facer redes, para conectar, e para coñecer a tódalas mulleres asistentes. Ademáis, segundo a túa membresía, contarás cun desconto especial para este evento: un 15% de desconto coa membresía Mar, e un 20% de desconto coa membresía Ocêano. 

RÎA

50€ | Trimestre

PRAZAS ILIMITADAS

+ Acceso a grupo privado de Facebook dinamizado e de apoio

+ Cafê a bordo mensual, ata completar aforo

+ Vantaxes entre atlânticas

+ Incripción en calquera momento, coa vixencia dos trimestres estipulados

MAR

100€ | Trimestre

20 PRAZAS

+ Presenza en directorio web

+ Acceso a grupo privado de Facebook dinamizado e de apoio

+ 15% desconto en entrada a eventos

+ Cafê a bordo mensual, ata completar aforo

+ Vantaxes entre atlânticas

+ Unha Masterclass mensual online

+ #SonAtlântica: visibilidade en IG Stories. Para iso, soamente tes que mencionarnos nas túas Stories e axudarémosche a viralizar a túa marca.

OCÊANO

150€ | Trimestre

6 PRAZAS

+ Presenza en directorio web

+ Acceso a grupo privado de Facebook dinamizado e de apoio

+ 20% desconto en entrada a eventos

+ Cafê a bordo mensual, ata completar aforo

+ Vantaxes entre atlânticas

+ Unha Masterclass mensual online

+ #SonAtlântica: visibilidade en IG Stories. Para iso, soamente tes que mencionarnos nas túas Stories e axudarémosche a viralizar a túa marca.

+ Acceso a presentacións de ponencias, dos eventos aos que non poidas asistir

+ Entrevista para IG Stories e Youtube.

¿PERO QUÉ MEMBRESÍA SE ADAPTA MÁIS A MIN? 

De seguro que esta pregunta está pasando pola túa mente neste intre. Tranquila, contámosche máis!

A membresía RÎA é para ti se:
  • Estas dando os primeiros pasos co teu proxecto, e estás buscando espazos para dar a coñecer o teu negocio.
  • Precisas aliadas e acompañantes para orientar o teu proxecto emprendedor.
A membresía MAR é para ti se:
  • Xa tés en marcha o teu proxecto emprendedor e gustaríache mellorar pouco a pouco, aplicando pequenas formacións prácticas que non che rouben demasiado tempo.
  • Queres visibilizar e dar a coñecer o teu negocio na nosa comunidade.
  • Queres mellorar a túa presenza dixital, xerar tráfico ata a túa web corporativa e viralizar os contidos das túas redes sociais.

A membresía OCÉANO é para ti se:

  • Te atopas nun momento doce do teu emprendemento ou negocio e queres celebralo formando parte dunha comunidade de mulleres valentes e emprendedoras.
  • Estás a piques de celebrar algún momento relevante da túa marca: lanzamento de novo produto ou servizo, cambios na web coporativa, incorporar novas liñas de negocio...
  • Queres visibilizar e dar a coñecer a túa marca entre a comunidade Atlântica.
  • Queres mellorar a túa presenza dixital, xerar tráfico ata a túa web corporativa e viralizar os contidos das túas redes sociais.
  • Queres humanizar a túa marca, e amosar á persoa, á muller que está capitaneando o negocio.

TES DÚBIDAS?

Consulta as nosas preguntas frecuentes ou escríbenos.

Recibe cada mes

a túa mensaxe na botella!

Acepto as condicións de uso e política de privacidade

Descubre cales serán as próximas travesías!

Non quedes en porto, aquí tes data, hora e lugar das próximas saídas

© 2018 MULLERES ATLÂNTICAS. TODOS OS DEREITOS RESERVADOS.
MAQUETADO POR CROQUETA STUDIO CON MOITO GUSTO PARA TODAS AS MULLERES ATLÂNTICAS.