Imaxina un lugar onde sentirte acompañada en cada paso da túa aventura empresarial. Un espazo para ti, para as túas dúbidas e para os teus éxitos. Un espazo de inspiración e empoderamento feminino para perseguir os teus obxectivos rodeada de super mulleres.
A COMUNIDADE + MISIÓN, VISIÓN, VALORES
Somos unha comunidade de mulleres emprendedoras do noroeste da Península que comparte un sentimento, unha cultura e unha visión. Servimos de punto de encontro para xerar sinerxías entre as mulleres emprendedoras galegas e do norte de Portugal.
O noso porto de destino é ese lugar onde se crean espazos de conexión tanto físicos como dixitais, entre mulleres atlánticas, que favorecen o crecemento e a creación en rede.
Remamos cada día unhas cantas millas para ser recoñecidas como unha comunidade de emprendedoras forte, cun sentimento arraigado e que busca ser a referencia no noroeste da península.
Comunidade, visibilidade e crecemento: esas son as correntes que nos moven e que nos impulsan para seguir navegando por todos os mares.
Xa somos algunhas atlânticas remando xuntas!
¿Queres colaborar con Mulleres Atlânticas?
Queremos medrar contigo, e facer cousas. Moitas cousas. Todas as que nos permitan as horas que ten o día. E por iso adoramos as propostas indecentes. As ideas tolas que nos emocionen e nos leven a portos inesperados. Se queres colaborar coa comunidade, propoñer ideas enriquecedoras para todas, saraos, ou o que che pete… ¡corre! Lánzanos a túa mensaxe e pronto terás novas da Tripulación. ¡Remando xuntas chegaremos máis lonxe!
